[the_ad id="201"]
Home Blog

ហាង​ទំនើប LG Premium BrandShop បើកសម្ពោធ​ដំណើរការ​សាកល្បង ដំបូង​គេ​បង្អស់​នៅ​ប្រទេស​កម្ពុជា

0

ក្រុមហ៊ុន LG Electronics និង ក្រុមហ៊ុន ជី​ហ្គៀ (G Gear ) បាន​ប្រារព្ធ​នូវ​ពិធី​សម្ពោធ​ដាក់អោយ​ដំណើរការ​សាកល្បង​នូវ  ហាង​ទំនើប LG Premium BRANDSHOP ដំបូង​គេ​បង្អស់​នៅក្នុង​ប្រទេស​កម្ពុជា ។

កម្មវិធី​នេះ​បានធ្វើ​ឡើង​នៅ​ល្ងាច​ថ្ងៃទី ខែ វិ​ច្ឆ​កា ឆ្នាំ 2018 នៅ​អគារ​លេខ 135 ផ្លូវ​ព្រះ​មុនី          វង្ស សង្កាត់​មនោ​ម្យ ខ័​ណ្ឌ 7 មករា  រាជធានី​ភ្នំពេញ ដែលមាន​ការចូលរួម​ពី​ភ្ញៀវកិត្តិយស និង អ្នក​សារ  ព​ត៏​មាន ជាច្រើនរូប​ទៀត​ប្រមាណ​ជាង 100 នាក់ ។

ហាង​លក់​គ្រឿង​អេ​ឡិច​ត្រូ​និ​ច LG BRANDSHOP បាន​មាន​វត្តមាន​នៅក្នុង​ប្រទេស​អស់​រយៈពេល​ជាង 7 ឆ្នាំ​មកហើយ​តាំងពី​ឆ្នាំ 2011 មកម្ល៉េះ តែដោយសារ​ការមើលឃើញ​ពី​ភាព​រីកចំរើន​របស់​ប​ច្ចេក​វិទ្យា​នៅក្នុង​តំបន់ កាន់តែ​ជឿនលឿន​ពីមួយថ្ងៃ​ទៅមួយថ្ងៃ ទើប​ក្រុមហ៊ុន LG និង ក្រុមហ៊ុន G Gear បាន​វិត្ត​ន៏​ខ្លួន​ពី ហាង​LG BRANDSHOP ទៅជា ហាង​ទំនើប LG Premium BRANDSHOP ដ៏​ប្រណិត​ដំបូង​គេ​បង្អស់​នៅក្នុង​ប្រទេស​កម្ពុជា ។

តារាសម្ដែងក្នុងរឿង « អាបកាលីប2018» ចៅខ្មែរ ប្រកាសរៀបការជាគូស្នេហ៍

0

មានគូស្នេហ៍ស្រឡាញ់ភេទដូចគ្នានៅក្នុងចង្កោមសិល្បៈ បានបង្ហាញមុខមាត់ជាបន្ដបន្ទាប់ដែលធ្វើឱ្យមហាជននឹកស្មានមិនដល់ ហើយខ្លះក៏មានអារម្មណ៍រំភើបជំនួសពួក ខណៈពួកគេបានដឹកដៃគ្នាចូលរោងការ។ ស្របជាមួយគ្នានោះដែរ តារាសម្ដែងប្រុស ដែលមហាជនជាច្រើនស្គាល់ថាជា ចៅខ្មែរ ក៏បានបង្ហើបដំណឹងរៀបការជាមួយគូស្នេហ៍ប្រុស នៅថ្ងៃទី 12 ខែវិច្ឆិកា ខាងមុខនេះដែរ។

គាត់បានរៀបរាប់ប្រវត្តិស្នេហ៍យ៉ាងកំសត់ដែលធ្លាប់តស៊ូយ៉ាងជូរចត់ជាមួយគូស្នេហ៍ថា៖ «យើងតស៊ូជាមួយគ្មា យូរឆ្នាំហើយ ក្រ លំបាក គ្មានលុយស៊ីបាយ គេមើលងាយ គេគិតអាក្រកក់លើ គេមើលពីចុងសក់ដល់ចុងក្រចកជើង តែទីបំផុតយើងអាចកាន់ដៃគ្នាចូលរោងថ្ងៃ12នេៈហើយ។ ចាំបានថ្ងៃមួយ ថ្ងៃខ្ញុំដេកឈឺនិងកន្ទេល គ្មានលុយសូមកបីតែ100រៀល មានតែគាត់ និង ប្អូនប្រិសម្នាក់ឈ្មោៈលក្ខ័ទេ ដែរនៅក្បែខ្ញុំ» ។ បន្ថែមលើនេះទៀតគាត់បានស្នើសុំថា៖ «បងៗអាចទេ សុំកំលាំងចិត្ត និងពាក្យជូនពរម្នាក់មួយម៉ាត់» ។

គួរបញ្ជាក់ថា តារាសម្ដែងនៅក្នុងរឿង«អាបកាលីប2018» រូបនេះធ្លាប់ជាបុគ្គលមួយរូបដែលសកម្មក្នុងការធ្វើសកម្មភាពមនុស្សធម៌ក្នុងសង្គម ទន្ទឹមហ្នឹងនេះដែរ លោកក៏ធ្លាប់ឧបត្ថម្ភដល់កុមារី ឃុយ មួយហៀង បេក្ខភាពប្រឡងកម្មវិធី The Voice Kids Cambodia រដូវកាលទី1ផងដែរ ៕

កូនខ្មែរម្នាក់យក Rubber Chicken មក Coverបទ «បាត់ដំបងបណ្តូលចិត្ត»

0

ពិតជាភ្ញាក់ផ្អើលពាសពេញបណ្ដាញសង្គមហ្វេសប៊ុកតាមរយៈម្ចាស់គណនីមួយដែលមានឈ្មោះថា Tep Suonrotanak បានបង្ហាញទេពកោសល្យលើកយកសំឡេង Rubber Chicken មក Cover ចម្រៀងតាមបទចម្រៀងល្បីៗដាក់ក្នុង YouTube តែម្តងនេះកូនគឺជាបទ «បាត់ដំបងបណ្តូលចិត្ត» ពិតជាយ៉ាងពីរោះ ប្លែកត្រច្រៀកតែម្តង និងមិននឹកស្មានដល់ថាអាចធ្វើបានទាល់តែសោះ។

គួរបញ្ជាក់ថាការយក Rubber Chicken មក Cover តាមចម្រៀងល្បីៗនេះត្រូវបានផ្ទុះឡើងដោយតារា YouTube ម្នាក់មានឈ្មោះថា Big Marvel ដែលម្ចាស់ Channel រូបនេះមានអ្នក Subscribe រហូតដល់ទៅជាង 5លាននាក់ឯណោះ។

ចង់ដឹងថា ការយក Rubber Chicken មក Coverបទ «បាត់ដំបងបណ្តូលចិត្ត» ពិរោះរណ្ដំយ៉ាងណាសូមទស្សនាវីដេអូខាងក្រោមនេះ ៖

ចង់ដឹង​ទេ​ថា “អាការ​ស្រមៃ​ថា ទូរស័ព្ទដៃ​ញ័រ‟ បណ្ដាលមកពី​មូលហេតុ​អ្វី?

0

តើ​ធ្លាប់​ដែរឬទេ ពេលដែល​យើង​កំពុង​អង្គុយ ឬ​កំពុង​ដើរ ហើយ​ស្រាប់​តែមាន​អារម្មណ៍​ថា ទូរស័ព្ទដៃ​នៅក្នុង​ហោប៉ៅ​ញ័រ​ដូចជា​មាន​គេ​ទូរស័ព្ទ​ចូល ឬ​មាន​សញ្ញា​ប្រាប់​ពី Application ផ្សេងៗ ប៉ុន្តែ​លុះ​ពេល​ទាញ​យកមក​មើល ស្រាប់តែគ្មានអ្វី​ទាំងអស់! អាការ​ចម្លែក​នេះ ហៅថា “អាការ​ស្រមៃ​ថា​ទូរស័ព្ទ​ញ័រ‟ ឬ “Phantom Vibration Syndrome​ (PSV)‟ ដូច្នេះ​ថ្ងៃនេះ ឡា​រ៉ែ​ន សូម​នាំ​មិត្ត​អ្នកអាន​មក​ស្គា​ល់ពី​អាការ​ស្រមៃ​ថា​ទូរស័ព្ទដៃ​ញ័រ​នេះ​ទាំងអស់គ្នា…។

អាការ​ស្រមៃ​ថា​ទូរស័ព្ទដៃ​ញ័រ គឺ…
ជា​អាការ​ស្រមើស្រមៃ​មួយបែប​ដែល​ច្រើនតែ​កើតឡើង​នៅលើ​អ្នក​ដែលមាន​ទម្លាប់ និង​ចូលចិត្ត​ដាក់ឱ្យ​ទូរស័ព្ទដៃ​ញ័រ​នៅពេល​មាន​គេ​ទូរស័ព្ទ​ចូល រឹតតែ​បើសិនជា​កំពុង​រង់ចាំ​ទូរស័ព្ទ ឬ​ដំណឹង​ពី​នរណាម្នាក់​ផង​នោះ ក៏​នឹង​កើតក្ដី​វិតក្ក​កង្វល់ ឬ​នឹក​ទន្ទឹងរង់ចាំ រហូត​ធ្វើឱ្យ​ប្រព័ន្ធ​ប្រសាទ និង​ការទទួល​ដឹង​ភ្ញាក់រឭក​ខ្លាំង​ជាង​ប្រក្រតី គួបផ្សំ​នឹង​ការប៉ះពាល់​របស់​រាងកាយ​ខណៈដែល​អ្នក​កម្រើក​រា​ង​កាយ​ផង​នោះ អាចធ្វើឱ្យ​យល់ច្រឡំ​ថា ទូរស័ព្ទដៃ​ញ័រ​ព្រោះ​មាន​គេ​តេ​ចូលមក ឬ​មាន​សញ្ញា​របស់​សារ​អ្វី​ម្យ៉ាង។

តើ​អាការ​ស្រមៃ​ថា​ទូរស័ព្ទដៃ​ញ័រ ជា​ជំងឺ​គ្រោះថ្នាក់​ដែរឬទេ?
មិនមែនជា​ជំងឺ ឬ​រោគ ឬ​ភាពខុសប្រក្រតី​ខាង​រាងកាយ​អ្វី​ឡើយ វា​គ្រាន់តែ​ជា​ទង្វើ ឬ​សញ្ជាតិ-ញាណ​មួយរូប​បែប​ដែលមាន​នៅក្នុង​ខ្លួន​មនុស្សដើម្បី​ឆ្លើយតប​នឹង​អ្វីដែល​ចូលមក​ជំរុញ​យ៉ាងភ្លាមៗទាន់ហន់ ហើយ​ថែមទាំង​ជា​សញ្ញា​ដាស់តឿន​ថា អ្នក​កំពុងតែ​ញៀន​ការប្រើប្រាស់​ទូរស័ព្ទដៃ ឬ​តិច​ណូ​ឡូ​ជី​គ្មាន​ខ្សែ​មួយ​នេះ​ប៉ុណ្ណោះ។

វិធី​កែប​ញ្ហា​ការ​ស្រមៃ​ថា​ទូរស័ព្ទដៃ​ញ័រ
* ប្ដូរ​ការផ្ដល់​សញ្ញា​តឿន​ប្រាប់​ការហៅ​ចូល ឬ​សញ្ញា​ប្រាប់ថា​មាន​សារ​ចូល ទៅជា “សំឡេង‟ ជំនួស​ការ “ញ័រ‟។
* ប្ដូរ​កន្លែង​ទុក​ទូរស័ព្ទដៃ​ពី​កន្លែងចាស់​ដែល​ធ្លាប់តែ​ទុក​នៅក្នុង​ហោប៉ៅ​ខោ ទៅ​ទុក​នៅក្នុង​កាបូប​ផ្សេង​វិញ ដូចជា​កាបូបស្ពាយ​ជាដើម​ជំនួស​វិញ វា​នឹង​ជួយ​កាត់បន្ថយ​ការចង់​ទាញយក​ទូរស័ព្ទ​មកលេង​បាន។
* សាកល្បង​ទុក​ទូរស័ព្ទ​ឱ្យ​ឆ្ងាយ​ពី​ខ្លួន។
* សាកល្បង​បិទ​ទូរស័ព្ទដៃ​ក្នុងអំឡុងពេល​ថ្ងៃបើសិនជា​គ្មាន​ធុរៈ​អ្វី​សំខាន់ ឬ​មុនពេល​ចូល​គេង។

ទោះជា “អាការ​ស្រមៃ​ថា​ទូរស័ព្ទដៃ​ញ័រ‟ គ្រាន់តែ​ជា​អាការ​ចម្លែក​មួយ​ដែល​បណ្ដាលមកពី​តិច​ណូ​ឡូ​ជី​ក៏ដោយ ក៏ប៉ុន្តែ​នាពេល​បច្ចុប្បន្ននេះ អ្នកស្រាវជ្រាវ​បាន​រកឃើញថា អាការ​នេះ​បាន​សាយភាយ​ក្នុង​រង្វង់​ដ៏​ធំ​ទូលាយ​យ៉ាង​ឆាប់រហ័សដោយសារតែ​មនុស្ស​ភាគ​ច្រើន​តែង​ប្រើ​ពេលទំនេរ​នៅជាមួយនឹង​ទូរស័ព្ទដៃ​ច្រើនឡើង រហូត​អាច​បង្ក​ឱ្យ​កើតការ​ញៀន​ធ្លាប់បាន ដូច្នេះ បើ​សាកល្បង​ទុកចន្លោះ​ពេល​ប្រើ​ទូរស័ព្ទដៃ​ឱ្យ​ឆ្ងាយ​ពីគ្នា​ខ្លះ អាការ​នោះ​អាច​នឹង​បាត់​ទៅវិញ​បាន​នៅ​ទីបំផុត៕

តម្រូវការ​ចេកអំបូង​លឿង ធ្វើឱ្យ​កសិករ​ម្នាក់​កាក់កប​នឹង​របរ​បណ្ដុះ​កូន​ចេក​លក់

0

អ្នកមាន​បទពិសោធ​ក្នុង​វិស័យ​កសិកម្ម ផ្នែក​ដំណាំ​ហូប​ផ្លែ និង​បណ្ដុះ​ពូជ​ដំណាំផ្សេងៗទៀត​ជាច្រើន​មុខ​ដើម្បី​ផ្គត់ផ្គង់​ឱ្យ​ចម្ការ​នានា​នៅក្នុង​ស្រុក បាន​ងាក​មក​ផ្សាំ​បណ្តុះ​កូន​ចេកអំបូង​លឿង​សម្រាប់​លក់​ជូន​អតិថិជន ខណៈ​ទីផ្សារ​វិស័យ​កសិកម្ម​ទំនើប​កំពុងមាន​សម្ទុះ​កើនឡើង​គួរឱ្យកត់សម្គាល់ ឧទាហរណ៍​ដូចជា​ចេកអំបូង​លឿង​ដែលជា​ផ្លែឈើ​កំពុងមាន​តម្រូវ​ការនាំ​ចូលទៅ​ប្រទេស​ចិន​បន្ទាប់ពី​មានការ​ចុះហត្ថលេខា​លើ​កិច្ចព្រមព្រៀង​នាំចេញ​រួចមក។

នៅពេល​មាន​តម្រូវការ​ពី​ក្រុមហ៊ុន​ចិន​ដែល​មក​វិនិយោគ​បង្កើត​កសិដ្ឋាន​ដាំ​ដើម​ចេកអំបូង​លឿងមួយរយៈ​ពេល​ចុង​ក្រោយនេះ​ធ្វើឱ្យ​កូន​ចេកអំបូង​លឿង​ជិត​កន្លះ​ម៉ឺន​ដើម​ត្រូវបាន​លក់​ចេញ​ជា​រៀងរាល់ខែ ដែលមាន​ខែ​ខ្លះ​លក់​ចេញ​បាន​លើសពី​ចំនួន​នេះ​ទៅទៀត។ នេះ​បើតាម​ការ​ប្រាប់​អ្នកយកព័ត៌មាន​នៃ​កាសែត​ឡា​រ៉ែ​ន​ពាណិជ្ជ​តាម​ទូរស័ព្ទ​ពី​សំណាក់​លោក គួ​ន ឌឿ​ន ជា​កសិករ​នៅ​ស្រុក​ភ្នំព្រឹក ខេត្តបាត់ដំបង។

ចេកអំបូង​លឿង​មាន​ប្រភព​មកពី​ប្រទេស​ឥណ្ឌាត្រូវបាន​គេ​បង្កាត់​ពូជ​ចែកចាយ​ទៅកាន់​ប្រទេស​ក្នុង​តំបន់​អាស៊ីអាគ្នេយ៍ រួមមាន​ដូចជា​ប្រទេស​ចិនតៃវ៉ាន់ ថៃ វៀតណាម ហ្វ៊ី​លី​ពី​ន និង​កម្ពុជា​ជាដើម។ នៅ​កម្ពុជា​ក្រៅពី​កសិដ្ឋានធំ3(ខេត្ត​រតនគីរី ក្រចេះ កំពត) ដែល​បាន​ដាំចេក​អំបូង​លឿង​លើ​ផ្ទៃដី​រាប់រយ​ហិកតា​ហើយ​នោះ នៅមាន​កសិករ​នៅ​ខេត្តកណ្ដាលកំពង់ស្ពឺ កោះកុង ប៉ៃលិន និង​ខេត្តបាត់ដំបង​ក៏​កំពុង​ចាប់ផ្ដើម​ដាំ​ដុះ និង​ប្រមូល​ផល​ផ្គត់ផ្គង់​ទីផ្សារ​ក្នុងស្រុក​ដែរ។ ប៉ុន្តែ​ដំណាំ​ចេក​ប្រភេទ​នេះ​មាន​តិចតួច​នៅឡើយ មិនអាច​ឆ្លើយតប​នឹង​តម្រូវការ​ទីផ្សារ​បានឡើយ ពិសេស​ការនាំ​ចេញទៅ​ក្រៅប្រទេស​ខណៈ​ពូជ​ចេក​ជាច្រើន​ត្រូវបាន​កសិករ​ខ្មែរ​ទិញ​ពី​ប្រទេស​ថៃ​មក​ដាំ តាំងពី​ឆ្នាំ2015។

លោក គួ​ន ឌឿ​ន បាន​ប្រាប់​ឱ្យដឹងថា ក្រោយពី​លោក​នាំចូល​ពូជ​ចេក​ប្រភេទ​ថ្មី​មួយ​នេះ​ពី​ប្រទេស​ថៃ លោក​កត់សម្គាល់​ឃើញថា កសិករ​ក្នុងស្រុក​ចាប់ផ្តើម​សម្លឹងមើល​ដំណាំ​ប្រភេទ​ថ្មី​នេះ និង​ហ៊ាន​សាកល្បង​ដាំ ក៏ដូចជា​ប្រឹងប្រែង​រៀន​ពី​បច្ចេកទេស​ដាំ​ដុះថ្មីៗផងដែរ ទើប​លោក​សម្រេចចិត្ត​ចាប់ផ្តើម​បណ្តុះ​កូន​ចេក​ប្រភេទ​ថ្មី​នេះ​ដោយ​ខ្លួនឯង ខណៈពេល​ដែលមាន​ក្រុមហ៊ុន​ចិន​មករក​ទិញ​កូន​ចេក​យកទៅ​ដាំ​នៅ​កសិដ្ឋាន​របស់គេ ពេលនោះ​ហើយ​ទើប​លោកអាច​លក់បាន​ក្នុង 1ខែ​ពី4ពាន់ ទៅ5ពាន់​ដើម​ឯណោះ​ក្នុងតម្លៃ4ពាន់​រៀល 1ដើម ខែ​ខ្លះ​អាច​កើន​ដល់​ជាង 6ពាន់​ដើម​ទៀតផង។

កសិករ​រូបនេះ​បន្តថា សម្រាប់​ដំណាំ​កូន​ចេក​ប្រភេទ​ថ្មី​ដែល​លោក​លក់ដាច់​ខ្លាំង​ជា​រៀងរាល់ខែ​នេះ អ្នក​ដាំ​អាច​លក់​ផ្លែ​វា​ក្នុងតម្លៃ​ខ្ពស់​ចាប់ពី 5ពាន់​រៀល​រហូតដល់ 7ពាន់​រៀល​ក្នុង 1ស្និត ឬ​លើសពីនេះ​នៅលើ​ទីផ្សារ​ក្នុងស្រុក ព្រោះ​វា​មាន​លក្ខណៈពិសេស​ដាច់​ពី​គេ​ត្រង់​ថា រសជាតិ​របស់​វា​ឆ្ងាញ់ ក្រអូប​ឈ្ងុយ និង​ផ្អែម​ជាង​ចេក​ប្រភេទ​ដទៃ ហើយ​អាច​លក់បាន​ក្នុង​ចំនួន​ច្រើន​បើ​ធ្វើ​ការនាំ​ចេញទៅ​ក្រៅប្រទេស។ ចេកអំបូង​លឿង​បាន​ក្លាយជា​ដំណាំ​ដែល​ទទួលបាន​ការចាប់​អារម្មណ៍​ខ្លាំង​ក្នុង​ការដាំដុះ ព្រោះថា​ដំណាំ​មួយ​នេះ​ហុច​ផល​ឱ្យ​លឿន គឺ​ក្រោយពេល​ដាំ​ត្រឹមតែ8ខែ​ប៉ុណ្ណោះ អាច​ផ្តល់​ផល​បាន​ពេញ​មួយឆ្នាំ និង​មាន​សក្តានុពល​ទីផ្សារ​ខ្ពស់ និង​មានតម្លៃ​ថ្លៃ​ជាង​ចេក​ដទៃ។

ចំណែក​បច្ចេកទេស​នៃ​ការដាំដុះ​វិញ អ្នកមាន​បទពិសោធ​រូបនេះ​បានឱ្យដឹងថា ក្នុង​មួយ​ហិកតា​គេ​អាច​បណ្ដុះ​កូន​ចេកអំបូង​លឿង​បាន​ជាង 2,000កូន​ឯណោះ ហើយ​អ្នក​ដាំ​ត្រូវ​ចំណាយ​លើ​ការរៀប​ប្រព័ន្ធ​ទឹក និង​ត្រូវ​មានការ​មើលថែទាំ​យ៉ាង​ដិតដល់ ដែល​អាច​នឹង​ចំណាយ​ច្រើនជាង2,000ដុល្លារ។ សរុបមក​ក្នុងការ​ដាំចេក​អំបូង​លឿង​យក​កូន​លក់​នេះ ចាប់ពី​ពេល​ដាក់​ដាំ​រហូត​ដល់ពេល​ប្រមូល​ផល លោក​ត្រូវ​ចំណាយ​ខ្ទង់ 5,000ដុល្លារ សម្រាប់​ចម្ការ​ថ្មី តែ​អាច​ទាញ​ចំណូល​មកវិញ​បាន​ខ្ទង់ពាន់​ដុល្លារ​ក្នុង​មួយខែ ប្រសិនបើ​ម្ចាស់​ចម្ការ​ដាំ​ចំនួន​ខ្ទង់ពាន់​ដើម​ឡើងទៅ​ដែរ។ កសិករ​រូប​នោះបាន​បន្ថែមថា សម្រាប់​ដំណាំ​មួយ​នេះ មាន​តម្រូវ​ការថែទាំ​ជាពិសេស​លើ 3ចំណុចធំៗ ក្នុងនោះ​រួមមាន ទី1 ការថែទាំ ទី2 ការរៀបចំ និង​ទី3 ការដឹកជញ្ជូន​ដែល​តម្រូវឱ្យ​ម្ចាស់​ចម្ការ​មាន​បច្ចេកទេស​ច្បាស់លាស់ និង​ស្របតាម​ស្តង់ដារ ទើប​គេ​ទទួល​ទិញ និង​ហ៊ាន​ឱ្យ​តម្លៃ​ថ្លៃ។

ប៉ុន្តែ​លោក ឌឿ​ន បាន​ថ្លែង​ពី​ក្តី​ព្រួយបារម្ភ​អំពី​ការថែទាំ​ដំណាំ​កូន​ចេកអំបូង​លឿង​នេះ​ថា មិនអាច​អត់​បានឡើយ​នូវ​បច្ចេកទេស​ដាំ​ដុះ​ច្បាស់លាស់របៀប​ថែទាំ​កូន​ចេក​ឱ្យ​ត្រូវ​តាម​ទំហំ​ស្តង់ដារ ក៏ដូចជា​ការរៀបចំ រហូតដល់​ការដឹកជញ្ជូន​ចេញ​ផងដែរ ដែល​បញ្ហា​ទាំងអស់នេះ ជា​អ្វីដែល​កសិករ​យើង​មិនអាច​បំពេញបាន ដោយសារតែ​កូន​ចេកអំបូង​មាន​ភាពខុសគ្នា​ពី​ដំណាំ​ដទៃទៀត។ កូន​ចេកអំបូង​លឿង​ចូលចិត្ត​ដី​បៀមទឹក និង​ដី​ស្មៅ ហើយដី​បែបណា​ក៏​អាច​ដាំ​បានដែរ តែ​ប្រភេទ​ដី​ដែល​ល្អ​បំផុត​សម្រាប់​កូន​ចេក​នេះ គឺ​ដីក្រហម និង​ដីល្បាប់​នៅតាម​វាលទំនាប​ដែល​អាច​ស្រូប​ជីជាតិ​ទៅ​ចិញ្ចឹម​ដើម​បាន៕

ការទូទាត់​ប្រាក់​តាម​ប្រព័ន្ធ​អេឡិចត្រូនិក​នៅ​កម្ពុជា ស្ថិតក្នុង​ដំណាក់កាល​មូលដ្ឋាន​នៅឡើយ

0

បើទោះជា​កម្ពុជា​មានការ​រីកចម្រើន​ខ្លាំង​លើ​ប្រព័ន្ធ​អេឡិចត្រូនិក​ក្នុងការ​ទូទាត់​ប្រាក់​សម្រាប់​សេវាផ្សេងៗគួរកត់សម្គាល់​ក៏ដោយ ក៏ត្រូវ​បាន​គេ​មើលឃើញថា កម្ពុជា​កំពុងស្ថិត​ក្នុងដំណាក់កាល​នៃ​ការកសាង​មូលដ្ឋានគ្រឹះ​លើ​ប្រព័ន្ធ​ទូទាត់​តាមបែប​អេឡិចត្រូនិក​នេះ​នៅឡើយ។

ក្នុងជំនួប​ដ៏​កម្រ​មួយ​ជាមួយ​ប្រតិភូ​នៃ​ក្រុមហ៊ុន Union Pay កាលពីពេលថ្មីៗ ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ​បាន​មានប្រសាសន៍ថា ស្ថិតក្រោម​កម្មវិធី​កែទម្រង់​ការគ្រប់គ្រង​ហិរញ្ញវត្ថុ​សាធារណៈ កម្ពុជា​បាន​កសាង និង​ប្រើប្រាស់​សេវាកម្ម​មួយចំនួន​តាមបច្ចេកវិទ្យា​ព័ត៌មានវិទ្យា ដូចជា​ការបើក​ប្រាក់បៀវត្ស​រ៍​ជូន​មន្ត្រីរាជការ​តាម​ប្រព័ន្ធ​ធនាគារ ការទូទាត់​ទៅ​អ្នកផ្គត់ផ្គង់​តាម​ប្រព័ន្ធ​អេឡិចត្រូនិក ការរៀបចំ​ប្រព័ន្ធ​ចំណូល​ពន្ធ​និង​មិនមែន​សារពើពន្ធ ការរៀបចំ​សិក្សា​លើ​ការផ្ទេរ​ប្រាក់​អេឡិចត្រូនិក​រវាង​រតនាគារជាតិ និង​ធនាគារពាណិជ្ជ​ជាដើម។

ឯកឧត្តម​មានប្រសាសន៍​សង្កត់ធ្ងន់ថាដូច្នេះកម្ពុជា​កំពុងស្ថិត​ក្នុងដំណាក់កាល​នៃ​ការកសាង​មូលដ្ឋានគ្រឹះ​លើ​ប្រព័ន្ធ​ទូទាត់​តាមបែប​អេឡិចត្រូនិក​នេះ ដែល​តម្រូវឱ្យ​កសាង​ឱ្យបាន​នូវ​មូលដ្ឋាន​រួមមួយ (Platform) សម្រាប់​ផ្សារភ្ជាប់​រវាង​អង្គភាព ឬ​ស្ថាប័ន​ពាក់ព័ន្ធ ដូចជា​រតនាគារជាតិធនាគារជាតិ និង​អង្គភាព​ពាក់ព័ន្ធ​ដទៃទៀត​ជាដើម។ ប្រព័ន្ធ​ព័ត៌មានវិទ្យា​នេះ​នឹង​ជួយ​ឱ្យ​ការផ្តល់សេវា​សាធារណៈកា​ន់​តែមាន​ប្រសិទ្ធភាព តម្លាភាព និង​គណនេយ្យភាព​ឡើង។ បច្ចេកវិទ្យា​ព័ត៌មាន​ហិរញ្ញវត្ថុ ការទូទាត់​តាម​ប្រព័ន្ធ​អេឡិចត្រូនិក និង​កា​រៀបចំ​ប្រព័ន្ធ​រដ្ឋាភិបាល​វៃឆ្លាត (Smart Government) គឺ​ពិតជា​ចូលរួមចំណែក​យ៉ាងសំខាន់​ក្នុងការ​អភិវឌ្ឍ​សេដ្ឋកិច្ចជាតិ។

លោក SHI Wenchao នាយក​ក្រុមហ៊ុន Union Pay បានបង្ហាញ​ពីបទ​ពិសោធ​ផ្ទាល់​ថា ក្រុមហ៊ុន​លោក​កំពុង​រីកចម្រើន​ខ្លាំង​នៅលើ​ទីផ្សារ​ក្នុងប្រទេស​ចិន ក៏ដូចជា​នៅលើ​ពិភពលោក​ដែរ ហើយ​ដើម្បី​ជួយផ្តល់​បទពិសោធ និង​ចូលរួម​លើកកម្ពស់​វិស័យ​បច្ចេកវិទ្យា ពិសេស​លើ​សេវា​ផ្ទេរ និង​ទូទាត់​ប្រាក់​នៅ​កម្ពុជា​ឱ្យ​កាន់តែ​រីកចម្រើន​ខ្លាំង​ថែម​មួយកម្រិត​ទៀតទើប​ក្រុមហ៊ុន​ឈាន​ជើង​ចូលមកក្នុង​ប្រទេស​កម្ពុ​ជានា​រយៈពេល​ប៉ុន្មាន​ឆ្នាំ​កន្លងមកនេះ។ លោក​ថា Union Pay ផ្តល់​ភាពងាយស្រួល​ដល់​ការទូទាត់​ប្រាក់ ការផ្ទេរ​ប្រាក់​បាន​លឿន​ឆាប់រហ័ស និង​មាន​ទំនុកចិត្ត​ខ្ពស់​នៅលើ​ទីផ្សារ​ពិភពលោក។

ពាក់ព័ន្ធ​ករណីនេះ លោក ជា សេរី​វ​ឌ្ឍ មន្ត្រី​ជំនាញ​បច្ចេកវិទ្យា​ជាន់ខ្ពស់​ក្រុមហ៊ុន Microsoft ប្រចាំ​នៅ​កម្ពុជា និង​ជាទី​ប្រឹក្សា​ថ្នាក់ជាតិ​លើ​ការអភិវឌ្ឍ​ប្រព័ន្ធ​Onlineរបស់​រដ្ឋាភិបាល មានប្រសាសន៍​ទទួលស្គាល់​ថា កម្ពុជា​ពិតជា​ស្ថិតនៅក្នុង​ដំណាក់កាល​ក​សាង​មូលដ្ឋានគ្រឹះ​លើ​ប្រព័ន្ធ​ទូទាត់​តាមបែប​បច្ចេកវិទ្យា​នេះ​ប្រាកដ​មែន ដោយសារតែ​ក្រុមហ៊ុន​ឯកជន​ក៏ដូចជា​ធនាគារពាណិជ្ជ​មួយចំនួន​បានដាក់​ឱ្យ​អតិថិជន​ប្រើប្រាស់​បច្ចេកវិទ្យា​ក្នុងការ​ទូទាត់​សេវាផ្សេងៗរបស់ខ្លួន មានដូចជា​ធនាគារ​អេ​ស៊ី​ដា​បាន​ដាក់ឱ្យ​អតិថិជន​ប្រើ​ប្រព័ន្ធ​អេស៊ីលីដា​ទាន់​ចិត្ត​សម្រាប់​ឱ្យ​អតិថិជន​អាច​ផ្ទេរប្រាក់ ទូទាត់​ទំនិញ​នៅលើ​ទីផ្សារ និង​ទូទាត់​សេវាកម្ម​តាក់ស៊ី​ជាដើម ចំណែក​ធនាគារ​កាណាឌីយ៉ា​បង្កើត​ប្រព័ន្ធ​ទូទាត់ តារា​ផេ (Dara Pay) ដែល​អាចឱ្យ​អតិថិជន​មាន​ភាពងាយស្រួល​ក្នុងការ​ផ្ទេរប្រាក់ ឬ​វេរ​លុយ ហើយ​ធនាគារ​ABA បង្កើត​ប័ណ្ណ ABA Pay សម្រាប់​ឱ្យ​អតិថិជន​មាន​ភាពងាយស្រួល​ក្នុងការ​ទូទាត់​សាច់ប្រាក់​តាម​ប្រព័ន្ធ​អេឡិចត្រូនិក​នេះដែរ ប៉ុន្តែ​ភាគច្រើន​នៃ​អតិថិជន​អាចមាន​លទ្ធភាព​ត្រឹមតែ​បង់​ទឹក​ភ្លើង​របស់​រដ្ឋ​តាម​ប្រព័ន្ធ​អន​ឡាញ​ប៉ុណ្ណោះ មិនទាន់មាន​ភាពទូលំទូលាយ​អាច​ទិញ​ទំនិញ​គ្រប់​ប្រភេទ​នៅលើ​ទីផ្សារ​បាន​នៅឡើយ​ទេ ដែល​ធ្វើឱ្យ​អតិថិជន​ភាគច្រើន​នៅ​មិនទាន់មាន​ការចាប់អារម្មណ៍​ប្រើប្រាស់ ឬ​ទូទាត់​ប្រាក់​តាម​ប្រព័ន្ធ​អន​ឡាញ​នេះ​នៅឡើយ។

ទោះជា​យ៉ាងនេះ​ក្ដី ក៏​កម្ពុ​ជាមាន​សក្តានុពល​ខ្លាំង​ក្នុង​ការផ្តល់​សេវាកម្ម​ឱ្យ​អតិថិជន​ប្រើ​ប្រព័ន្ធ​ទូទាត់​តាម​អន​ឡាញ (Online Payment)នេះ​កាន់តែច្រើន​ដែរ ដោយសារ​ប្រជាជន​កម្ពុ​ជាមាន​ទំនោរ​ប្រើប្រាស់​ទូរស័ព្ទ​ស្មា​ត​ហ្វូ​ន​ស្ទើរតែ​គ្រប់គ្នាហើយ​មនុស្ស​មួយចំនួន​កាន់​ទូរស័ព្ទ​ដៃដល់​ទៅ2គ្រឿង ឬ3គ្រឿង ដែល​ធ្វើឱ្យ​ទូរស័ព្ទដៃ​នៅ​កម្ពុ​ជាមាន​ចំនួន​ច្រើនជាង​ចំនួន​ប្រជាជន​ទៅទៀត ហើយ​ដើម្បីឱ្យ​អតិថិជន​មានការ​គាំទ្រ និង​ងាក​មក​ប្រើ​ប្រព័ន្ធ​ទូទាត់​ឱ្យបាន​កាន់តែ​ច្រើនឡើង​នោះ ក្រុមហ៊ុន​ឯកជន​នានា​រួម​នឹង​ធនាគារ​គួរ​សហការគ្នា​ស្វែងរក​ដៃគូ​លក់ទំនិញផ្សេងៗឱ្យបាន​កាន់តែច្រើន ដើម្បីឱ្យ​អតិថិជន​មានលទ្ធភាព​ទូទាត់​ទំនិញ​នៅលើ​ទីផ្សារ​នានា​បាន​ទូលំទូលាយ នៅពេលដែល​គាត់​មាន​តម្រូវ​ការទិញ​សម្ភារ​ប្រើប្រាស់​នៅតាម​ផ្សារ​នានា​ទូទាំង​ព្រះរាជាណាចក្រ​កម្ពុជា៕

នេះជាមូលហេតុដែល Steve Jobs សម្រេចបង្កើត iPhone ឡើង

0

ក្រុមហ៊ុនបច្ចេកវិទ្យាយក្សអាមេរិក Apple ទើបតែប្រកាសបង្ហាញ iPhone ជំនាន់ថ្មី 3ម៉ូដែលផ្សេងគ្នា គឺ iPhone Xs, Xs Max និង XR ដែលសុទ្ធសឹងតែជាកំពូលស្មាតហ្វូន ជាពិសេសគឺតម្លៃខ្ពស់ស្ទើរនឹកស្មានមិនដល់។

គិតមកដល់បច្ចុប្បន្នក្រុមហ៊ុន Apple បានបញ្ចេញលក់ iPhone ជាច្រើនលានគ្រឿង និងកំពុងតែ​ល្បី​ល្បាញយ៉ាងខ្លាំងនៅក្នុងពិភពស្មាតហ្វូន និងស្ទើរតែគ្រប់គ្រងទីផ្សារបានទាំងមូល។ ទាំងនេះគឺជាគំនិត​ច្នៃ​ប្រឌិត និងជាមរតក​ដ៏អស្ចារ្យរបស់លោក Steve Jobs បិតាស្ថាបនិក Apple និងជាអ្នកបង្កើត iPhone ផងដែរ។

តើលោកអ្នកមានដឹងទេថា ហេតុអ្វីបាន ជា Steve Jobs សម្រេចចិត្តបង្កើត iPhone ទាំងដែល​លោក​មិន​ដែលមានបំណងចង់បង្កើតវាឡើងផងនោះ?

យោងតាមសៀវភៅជីវប្រវត្តិរបស់ Steve Jobs ដែលសរសេរឡើងដោយលោក Walter Isaacson បានឱ្យដឹងថា លោកJobs បង្កើត iPhone ឡើងដោយសារតែលោកខឹងនឹងបុគ្គលិកម្នាក់របស់ក្រុមហ៊ុន​ Microsoft។ តើ​ដើម​ចម​នៃ​រឿងនោះយ៉ាងណាដែរ?

យោងតាមការបញ្ជាក់នៅក្នុងសៀវភៅជីវប្រវត្តិរបស់ Steve Jobs បានឱ្យដឹងថា នៅថ្ងៃមួយមានបុគ្គលិករបស់ក្រុមហ៊ុន Microsoft ម្នាក់បានអញ្ចើញលោកស្រី Laurene Powell ដែលត្រូវជាភរិយារបស់លោក Steve Jobs ទៅចូលរួម​នៅក្នុងកម្មវិធីខួបកំណើតមួយនៅគេហដ្ឋានរបស់គេផ្ទាល់ដោយលោក Steve Jobs ក៏បានទៅចូលរួមជាមួយដែរ។ ខណៈដែលកម្មវិធីកំពុងតែសប្បាយរីករាយ បុរសដែលបម្រើ​ការងារនៅក្នុងក្រុមហ៊ុន Microsoft បាននិយាយបែបឌឺដង និងចំអែចំអន់ដាក់ Steve Jobs ថា ក្រុមហ៊ុន Microsoft កំពុងតែបង្កើតឧបករណ៍មួយដ៏អស្ចារ្យប្រើ Touch Screen ដែលមិនទាន់មាន​ក្រុម​ហ៊ុនណាផលិតឡើងនៅឡើយ ជាពិសេសគឺមិនភ្ជាប់មកជាមួយនូវប៊ិច (Stylus) ទៀតផង។

សំដីនោះបានធ្វើឱ្យ Jobs ខឹងយ៉ាងខ្លាំង និងថែមទាំងបាននិយាយទៅកាន់ភរិយាខ្លួនថា លោកនឹងធ្វើឱ្យគេ (បុគ្គលិកបម្រើការងារនៅ Microsoft) ស្គាល់ថា អ្វីទៅ ជាTablet ពិតប្រាកដ។ លុះព្រឹកឡើង Jobs បាន​ទៅដល់​ក្រុមហ៊ុន និងបានប្រកាសប្រជុំបុគ្គលិកកំពូលៗឱ្យផលិតឧបករណ៍ថ្មីមួយដែលប្រើ Touch Screen តែមិនប្រើប៊ិច និងប៊ូតុងឡើយដោយទុកពេលឱ្យ 6ខែ។

ថ្ងៃកំណត់បានមកដល់ ទីបំផុតក្រុម​ការងារបានបង្កើតឧបករណ៍ថ្មីដូចអ្វីដែល Jobs ចង់បានប៉ុន្តែឧបករណ៍នោះធំមិនដូច iPhone ឡើយ តែវាជា​ iPad។ ក្រោយពីសម្រេចចិត្តរួច Jobs បានកែប្រែឧបករណ៍នោះឱ្យទៅជា iPhone វិញ និងបានប្រកាសដាក់បង្ហាញនូវថ្ងៃទី29 ខែមិថុនា ឆ្នាំ2007 ដែលជាថ្ងៃកែប្រែប្រវត្តិសាស្ត្រសម្រាប់ Apple ហើយ​ក៏ជាថ្ងៃចាប់ផ្ដើមនៃភាពជោគជ័យនៅលើទីផ្សារស្មាតហ្វូនផងដែរ៕

ការសរសេរ​រឿងរីករាយ​ទុក អាច​ជួយឱ្យមនុស្សឈ្នះក្តីព្រួយបារម្ភ និងស្ត្រេសបាន

0

នៅក្នុងការរស់នៅរបស់មនុស្សគ្រប់រូបសុទ្ធតែអាចជួបរឿងរ៉ាវច្របូកច្របល់ទាំងល្អ និងមិនល្អរួមបញ្ចូលគ្នា ដែលពេលខ្លះធ្វើឱ្យ​អារម្មណ៍មានការប្រែប្រួលទៅតាមស្ថានការណ៍ និងពេលវេលា​។ ពេលខ្លះមនុស្សមានអារម្មណ៍ថា រីករាយ ហើយពេលខ្លះមនុស្សអាចមានអារម្មណ៍​សោកសៅដោយគ្មានមូលហេតុ។ កត្តាទាំងអស់នេះអាចកើតចេញពីការធ្វើឱ្យបាត់បង់តុល្យភាពនៃការរស់នៅ និងទម្លាប់មួយចំនួនដែលវាអាចធ្វើឱ្យប៉ះពាល់ដល់អារម្មណ៍​ដោយមិនដឹងខ្លួន។

យោងតាមការស្រាវជ្រាវពី​ស្ថាប័នចិត្តសាស្ត្ររបស់អង់គ្លេស (British Journal of Health Psychology) បានបញ្ចាក់ថា ការសរសេរ​ពី​អារម្មណ៍វិជ្ជមានអាចជួយ​កាត់បន្ថយស្ត្រេស និង​អារម្មណ៍ធុញថប់បាន។ ការស្រាវជ្រាវដដែលក៏បានបញ្ជាក់ពីចំណុចផ្ទុយផងដែរថា នៅពេលដែលយើងសរសេរទុក​តែអារម្មណ៍​​អវិជ្ជមាន វានឹងធ្វើឱ្យ​អារម្មណ៍របស់យើងដិតដាមជាមួយនឹងភាពសោកសៅកាន់តែខ្លាំង ហើយវាអាចប៉ះពាល់​ដល់សុខភាពផ្លូវចិត្តកាន់តែខ្លាំង។

ស្ត្រេសអាចធ្វើឱ្យមានផលប៉ះពាល់ខ្លាំងដល់​សុខភាពផ្លូវចិត្ត ហើយការពង្រឹងផ្លូវចិត្តបានល្អ អាចធ្វើឱ្យការងារ និងការរស់នៅកាន់តែរីកចម្រើនបានយ៉ាងឆាប់រហ័ស ហេតុនេះការយកចិត្តទុកដាក់លើទម្លាប់នៃការរស់នៅ​ប្រចាំថ្ងៃអាចជាជម្រើសល្អមួយដើម្បី​បង្ការបញ្ហាទាំងអស់នោះ។ អ្នកជំនាញបានណែនាំថា តាមការស្រាវជ្រាវបានបង្ហាញថា មនុស្សដែលមានទម្លាប់សរសេររឿងអវិជ្ជមានរបស់ខ្លួនទុក ភាគច្រើនអាចមានបញ្ហារហូតត្រូវទៅជួបគ្រូពេទ្យ អ្នកខ្លះទៀត​បាននិយាយថា មានជំងឺថប់អារម្មណ៍ ខណៈមួយផ្នែកទៀត​មានភាពស្មុគស្មាញខ្លាំង ហើយ​បាត់បង់សមត្ថភាពនៃការធ្វើការងារទៀតផង។

ងាកមកការបង្កើតទម្លាប់ល្អវិញ របាយការណ៍ដដែលបញ្ជាក់ថា មនុស្សដែលមានទម្លាប់សរសេរ​ពីរឿងរ៉ាវ ឬបទពិសោធវិជ្ជមានយ៉ាងហោចណាស់ 20នាទីក្នុងមួយថ្ងៃ អាចជួយឱ្យអារម្មណ៍ និងការគិតកាន់តែមានថាមពលខ្លាំងជាងមុន។ ហេតុនេះ ការកត់ទុកនូវអ្វីដែលជាចំណុចវិជ្ជមានបានក្លាយជា​វិធីសាស្ត្រដ៏សំខាន់មួយក្នុងការលើកទឹកចិត្តខ្លួនឯង និង​ជំរុញឱ្យស្ថានភាពអារម្មណ៍កាន់តែរឹងមាំបន្ថែមពីលើការគ្រប់គ្រង​ការគេងឱ្យបានគ្រប់គ្រាន់ ការហាត់ប្រាណ និងការជួបជជែកជាមួយមនុស្ស​ដែលមានស្ថានភាពផ្លូវចិត្តរឹងមាំជាដើម។

តាមរយៈការសម្ភាសជាក់ស្តែងបានរកឃើញថា មនុស្សដែលសរសេរ​ពីអារម្មណ៍​រីករាយ និងវិជ្ជមានទុកក្នុងសៀវភៅ​ប្រចាំថ្ងៃរបស់គេ ដោយរៀបរាប់ទាំងពីអារម្មណ៍រីករាយពេលជួបមនុស្សល្អៗ ក្តីស្រឡាញ់ បានស្តាប់តន្ត្រី ឬទិញរូបគំនូរដែលធ្វើឱ្យយើងរីករាយជាដើម អាចធ្វើឱ្យ​ពួកគេកាត់បន្ថយស្ត្រេសមិនសូវមានបញ្ហាសុខភាពដូចជាការឈឺក្បាល ឈឺឆ្អឹងខ្នង និងផ្តាសាយញឹកញាប់ទៀតផង។

ការសិក្សាស្រាវជ្រាវនេះបានធ្វើឡើងដោយការបែងចែកអ្នកចូលរួម​ប្រមាណ71នាក់ ដែលមានអាយុ​ចាប់ពី 19ឆ្នាំ ដល់ 77ឆ្នាំ។ បន្ទាប់មក​អ្នកជំនាញបានបែងចែកអ្នកចូលរួមទាំងអស់ជា 2ក្រុម ដោយ​ក្នុងនោះ​អ្នកចូលរួម 37នាក់ត្រូវបានគេតម្រូវឱ្យសរសេរពី​បទពិសោធ​ល្អៗក្នុងជីវិត ប្រមាណ 20នាទី ក្នុងរយៈពេល 3ថ្ងៃជាប់គ្នា។ ចំពោះអ្នកចូលរួម​ចំនួន 34នាក់ផ្សេងទៀត ត្រូវបានតម្រូវឱ្យសរសេរពីប្រធានបទធម្មជាតិ ក្នុងរយៈពេលដូចគ្នា។

ជាលទ្ធផល​បានបង្ហាញឱ្យឃើញថា កម្រិតនៃភាពធុញថប់របស់អ្នកចូលរួមដែលសរសេរពី​រឿងល្អមានការថយចុះច្រើនជាងអ្នកដែលសរសេរពីធម្មជាតិ។ អ្នកចូលរួមក៏បាន​ផ្តល់របាយការណ៍ផងដែរអំពីកម្រិតនៃការស្ត្រេស អារម្មណ៍ធុញថប់ និង​ស្ថានភាពផ្លូវចិត្តផងដែរក្នុងរយៈពេល 4សប្តាហ៍ក្រោយពេលធ្វើតេស្តសរសេរនេះ។ មនុស្សម្នាក់ៗមានស្ថានភាពល្អប្រសើរ និងមានអារម្មណ៍ថា ការរស់នៅមានតុល្យភាពជាងពេលមុន​ចូលរួមកម្មវិធី៕

Sterling និង Morata រកបាន 2គ្រាប់​ដូចគ្នា ខណៈ Man City និង Chelsea ឈ្នះរៀងៗខ្លួន

0

ខ្សែប្រយុទ្ធ Raheem Sterling បានស៊ុតបាល់បញ្ចូលទី 2គ្រាប់ ក្រោយពីបានយល់ព្រមបន្តកុងត្រាថ្មីរយៈពេល 5ឆ្នាំជាមួយនឹងក្លិប Manchester City ខណៈដែលក្រុមម្ចាស់ការពារតំណែងជើងឯកមួយនេះ បានផ្តួលក្រុម Southamptonយ៉ាងចាស់ដៃក្នុងលទ្ធផល 6កាលពីថ្ងៃអាទិត្យ ដើម្បីវិលទៅកាន់កំពូលតារាងនៃក្របខ័ណ្ឌ Premier League វិញ។

ខ្សែប្រយុទ្ធ Sergio Aguero ដែលរកបានគ្រាប់បាល់ក្នុងការប្រកួតលីចំនួន 150គ្រាប់ David Silva និង Leroy Saneក៏បានរកគ្រាប់បាល់បញ្ចូលទីផងដែរ ខណៈដែលក្រុមរបស់លោក Pep Guardiola បានរក្សាការមិនស្គាល់ចាញ់របស់ខ្លួនក្នុងការការពារពានរបស់ពួកគេ។ ខណៈដែលលោកបានបញ្ជាក់ថា នឹងមានការអភិវឌ្ឍទៅកាន់កម្រិតមួយទៀតពីសំណាក់ខ្សែប្រយុទ្ធអន្តរជាតិអង់គ្លេស។

លោក Guardiola បានប្រាប់បណ្តាញសារព័ត៌មាន BBC ថា៖ «យើងលេងបានយ៉ាងល្អឥតខ្ចោះ ដោយគ្មាន និងពេលមានបាល់» ស្របពេលជាមួយគ្នានេះ លោក Maurizio Sarri អ្នកចាត់ការទូទៅរបស់ក្រុម Chelsea ជឿជាក់ថា Alvaro Morata អាចនឹងក្លាយជាខ្សែប្រយុទ្ធដ៏មុតស្រួចដែលក្រុមរបស់លោកត្រូវការ ក្រោយពីបានស៊ុតបាល់បញ្ចូលទី 2គ្រាប់ក្នុងពេលពួកគេយកឈ្នះលើក្រុម Crystal Palace 3កាលពីថ្ងៃអាទិត្យ។

លោក Sarri បានឱ្យដឹងថា៖ «រូបគេមានភាពទន់ខ្សោយបន្តិចទៅលើស្មារតី ប៉ុន្តែ រូបគេនៅវ័យក្មេង ដែលខ្ញុំគិតថាគេអាចអភិវឌ្ឍខ្លួនយ៉ាងឆាប់រហ័ស។ ខ្ញុំគិតថា Alvaro ក៏មានសក្តានុពលដ៏អស្ចារ្យលើផ្នែករាងកាយ និងបច្ចេកទេសផងដែរ»

ប្រភពពី៖ Sport24

អស់​បញ្ហា​រឿង​គេង​លក់​មិន​គ្រប់គ្រាន់ ជាមួយ15វិធី​ជួយ​ឱ្យ​ឆាប់​គេង​លក់

0

ដូចដែល​យើង​បានដឹង​ច្បាស់​ហើយ​ថា ការ​គេង​លក់​គឺជា​ចំណែក 1ភាគ3នៃ​ជីវិត​ប្រចាំថ្ងៃ​របស់​យើង ដូច្នេះហើយ​ទើប​យើង​ត្រូវតែ​គេង​លក់​សម្រាក​ឱ្យបាន​មួយថ្ងៃ​ពី6 – 8ម៉ោង ទើប​ហុច​ផល​ល្អ​ដល់​រាងកាយ តែបើ​អ្នកមាន​បញ្ហា​ក្នុងការ​គេង ដូចជា​ គេង​មិនសូវ​លក់ ឬ​ពិបាក​ក្នុងការ​គេង​លក់ ចូរ​សាកល្បង​ធ្វើតាម “វិធី​ធ្វើឱ្យ​គេង​លក់‟ របស់​យើង​ល​មើល៍ ធានាថា​អ្នកនឹង​លង់លក់​សប្បាយ​យ៉ាងពិត​ប្រាកដ។

1. ហាត់ប្រាណ​ជាប្រចាំ ឬមួយ​សប្ដាហ៍ 3ដងម្ដងៗយ៉ាងតិច​កន្លះ​ម៉ោង តែ​មិនគួរ​ហាត់ប្រាណ​មុនពេល​គេង​ឡើយ។

2. មិនគួរ​គេង​លក់​នៅពេល​ថ្ងៃ ឬ​ពេល​ល្ងាច​នោះទេ ព្រោះ​នឹងធ្វើ​ឱ្យ​ខួរក្បាល​យល់ច្រឡំ​ថា រាងកាយ​បាន​គេង​លក់​រួចហើយ លុះ​ដល់ពេល​ត្រូវ​គេង​មែនទែន ក៏​នឹង​ធ្វើឱ្យ​ពិបាក​គេង​លក់ តែបើ​ចង់​គេង​សម្រាក​ពេល​ថ្ងៃ​ខ្លាំង​មែនទែន​នោះ ចូរ​គេង​មួយស្រឡេត​មិន​ឱ្យលើស​កន្លះ​ម៉ោង​បាន​ហើយ។

3. តម​ភេសជ្ជៈ តែ កាហ្វេ សូកូឡា និង​ភេសជ្ជៈដែលមាន​ជាតិ​កាហ្វេ​អី​ុ​ន និង​បារី។

4. តម​អាហារ​ពេលយប់​ជ្រៅ និង​មិនគួរ​ញ៉ាំ​ទឹក​ច្រើន​នៅពេល​ព្រលប់​ទេ ព្រោះ​ជា​ប្រក្រតីរាងកាយ​មិន​បញ្ចេញ​ទឹក​រំលាយ​អាហារ​នៅពេល​យប់​ឡើយ។

5. មិនគួរ​ធ្វើ​កិច្ចការងារ​ណា​ដែល​ធ្វើឱ្យ​ផ្លូវចិត្ត​បានទទួល​ការជំរុញ​មុនពេល​គេង ដូចជា មើល​កុន អាន​សៀវភៅ ជជែក​គ្នា រឿង​ដែល​ធ្វើឱ្យ​អារម្មណ៍​តឹងតែង ជំរុញ​ផ្លូវចិត្ត​ឱ្យ​រំភើប​ញាប់​ញ័រខំប្រឹង និង​ធុញថប់​ឡើយ។

6. តម​លេង​ឧបករណ៍​អេឡិចត្រូនិក ទូរស័ព្ទ​ស្មា​ត​ហ្វូ​ន​មុនពេល​ចូល​គេង ព្រោះ​ឧបករណ៍​ទាំងនោះ​មាន​ផល​ធ្វើឱ្យ​ពិបាក​គេង​លក់ ដោយសារតែ​ពន្លឺ​ពណ៌​ផ្ទៃមេឃ​ក្នុង​អេក្រង់ ធ្វើឱ្យ​រាងកាយ​បានដឹងថា មិនទាន់​ងងឹត និង​បញ្ចេញ​សារធាតុ មេ​ឡា​តូ​នី​ន ធ្វើឱ្យ​ពិបាក​គេង​លក់ ហើយ​យើង​ថែមទាំង​ទទួលបាន​ព័ត៌មាន​ចូលមក​ជាប់​ជានិច្ច ធ្វើឱ្យ​ខួរក្បាល​មិនបាន​សម្រាក និង​គេង​លក់​មិនបាន​ពេញលេញ រលក​ខួរក្បាល​មិន​ស្រឡះ ធ្វើឱ្យ​គេង​លក់​មិន​ស្កប់។

7. ព្យាយាម​រៀបចំ​ពេលវេលា​សម្រាប់​ការ​សម្រាក​ ដើម្បី​បន្ធូរ​រាងកាយ និង​ខួរក្បាល​ឱ្យ​ស្រឡះ​មុន​ចូល​គេង ដូចជា ស្ដាប់​បទ​ភ្លេង​ដែល​ជួយ​សម្រួល​ឱ្យគេ​ង​លក់បាន​កាន់តែ​ស្រួល​ឡើង ឬ​អង្គុយ​តាំងសមាធិ សូត្រមន្ត​ឱ្យ​ផ្លូវ​ចិត្តបាន​ស្ងប់​សប្បាយ ធូរស្រាល ឬ​នឹក​ដល់​ធម្មជាតិ។

8. សម្រួល​បន្ទប់​គេង​ឱ្យ​ស័ក្តិសម​ទាំង​សីតុណ្ហភាព ពន្លឺ និង​ភាព​ស្រទន់​ស្រួលខ្លួន។

9. គ្រែ​មាន​ទុក​សម្រាប់​គេង មិនគួរ​ធ្វើ​កិច្ចការងារផ្សេងៗលើ​គ្រែ ដូចជា​ទូរស័ព្ទ ញ៉ាំ​អាហារ ឬ​អាន​សៀវភៅ​ឡើយ។

10. ពេល​ផ្ដេកខ្លួន​គេង​ហើយ ចូរ​ឈប់​គិត​រឿង​ដែល​តានតឹង មិន​សប្បាយចិត្ត ដូច្នេះ​មុនពេល​គេង ចូរ​សរសេរ​កត់ត្រា​អ្វីដែល​មិន​សប្បាយចិត្ត​ចូលទៅក្នុង​ក្រដាស​ថា អ្វីដែល​យើង​កែខៃ​បាន និង​អ្វីដែល​យើង​កែខៃ​មិនបាន ព្រោះ​ការសរសេរ​ដែល​ច្បាស់លាស់​នឹងធ្វើ​ឱ្យ​ខួរក្បាល​ស្រឡះ​ឡើង ផ្លូវចិត្ត​សប្បាយ​ឡើង។

11. មិនគួរ​ញ៉ាំ​ទឹក​ច្រើន​ក្រោយពេល​បាយល្ងាច ព្រោះ​នឹងធ្វើ​ឱ្យ​ភ្ញាក់ឡើង​បត់ជើងតូច និង​ដាច់​ចង្វាក់​ការ​កំពុង​គេង​លក់​ស្រួលដូច្នេះ​មុននឹង​ចូល​គេង​គួរ​ចូល​បន្ទប់ទឹក​ឱ្យ​រួចរាល់ ឬ​បើ​ចាំបាច់​ត្រូវ​ភ្ញាក់ឡើង​ចូល​បន្ទប់ទឹក​ក៏​មិនចាំបាច់​កង្វល់​ដែរ ចូរ​ត្រឡប់មក​គេង​វិញ​យ៉ាង​មាន​អារម្មណ៍​ធូរស្រាល។

12. មិនគួរ​មាន​អារម្មណ៍​កង្វល់ ឬ​តានតឹង​នៅពេល​គេង​មិន​លក់​នោះទេ បើ​ការចូល​គេង​កន្លងទៅ 30នាទី​ហើយ​នៅតែ​មិនទាន់​លក់​ទៀត ចូរ​រក​កិច្ចការងារ​បន្ធូរ​អារ​ម្មណ៍​ធ្វើ រហូត​ទាល់​តែមាន​អារម្មណ៍​ថា​ងងុយ សឹម​ចូលទៅ​គេង​វិញ​ម្ដងទៀត។

13. កុំ​វិតក្ក​កង្វល់ ហើយ​មើល​នាឡិកា​ញឹកញាប់ ព្រោះ​វា​នឹង​ក្លាយជា​ការដាក់​សម្ពាធ​លើ​ខ្លួនឯង ធ្វើឱ្យមាន​អារម្មណ៍​តានតឹង និង​គេង​មិន​លក់​នៅ​ទីបំផុត។

14. បើ​អ្នក​គេង​ជាមួយ​លោក​អ្នកជា​មនុស្ស​គេង​ស្រមុក និង​ធ្វើឱ្យ​លោកអ្នក​ពិបាក​នឹង​គេង​លក់ ចូរ​លោក​អ្នករក​អ្វី​មក​បិទ​ត្រចៀកនិង​នាំ​ដៃគូ​របស់​អ្នក​ទៅ​ជួប​គ្រូពេទ្យ ដើម្បី​ព្យាបាល​អាកា​រគេង​ស្រមុក តែបើ​លោកអ្នក​នៅតែ​គេង​មិន​លក់​ទៀត ចូរ​ចែក​គ្រែ​គ្នា​គេង​បណ្ដោះអាសន្ន ដើម្បីឱ្យ​លោកអ្នក​បាន​គេង​លក់​សម្រាក​យ៉ាង​គ្រប់គ្រាន់។

15. គួរ​ភ្ញាក់​ពី​ដំណេក​ឱ្យ​ទៀង​ពេលវេលា​រៀងរាល់ថ្ងៃ ទោះជា​លោកអ្នក​ចូល​គេង​នៅ​ម៉ោង​ប៉ុន្មាន​ក៏ដោយ ព្រោះ​នឹងធ្វើ​ឱ្យ​ចរន្ត​ការ​គេង​លក់​របស់លោក​អ្នកមាន​តុល្យភាព និង​មិនគួរ​ភ្ញាក់​ពី​ដំណេក​ក្រោយ​ម៉ោង 8ព្រឹក​ឡើយព្រោះ​រាងកាយ​មនុស្ស​មាន​សម្ព័ន្ធ​ជាមួយ​ព្រះអាទិត្យ​រះ និង​លិច៕